Дэлхийд өдөр бүр сонин, содон үйл явдал, гайхамшиг тохиолддог. Тэдгээр содон зүйлийн нэг нь төрсөн цагаасаа онцгойрч ялгарсан хүүхдүүд билээ. Ингээд та бүхэндээ дэлхийн хамгийн авьяаслаг содон хүүхдүүдийг онцлон хүргэж байна.

“Нас бол ямар ч саад тотгор биш. Энэ бол таны бодолд тавьсан хязгаарлалт юм." - Жеки Жойнер Керси.

Evan le- Эван Ле

Гайхалтай төгөлдөр хуурч Эван Ли одоо 11 настай бөгөөд  2011 оны тавдугаар сарын 31-нд төржээ. Тэрбээр анх хоёр нас таван сартай байхдаа төгөлдөр хуур тоглож сурчээ. Дөрвөн настайдаа Моцартын арванхоёр хувилбарыг сурч байх үедээ өөрийн хоёр хувилбарыг гаргасан юм.  Түний хөрөнгө таван сая ам доллар юм.

Vasilisa Ermakova-Василиса Ермакова

Василиса гурван настайгаасаа сноубордын спортоор хичээллэж эхэлсэн бөгөөд  өдгөө найман настай охин сноубордын гайхамшигт тамирчин гэдгээрээ алдартай.  Зургаан настайдаа өөрийн насны ангилалд цагт 48 км/цаг хурдалж Оросын дээд амжилтыг эвджээ. Тэрбээр үсрэлтийн үеэр 540 градус эргэлдэж, цасан эрэг дээрээс үсэрч байхдаа 360 градусын эргэлтийг төгс хийж чаддагаараа алдартай болжээ.  

Tima Kuleshov- Тим Кулешов

Украины хамгийн залуу мотоцикльчин хүү есөн настай бөгөөд  Тима Кулешов хоёр настайгаасаа унадаг дугуй унаж, хоёр нас таван сартайдаа  мини мотоцикл унаж эхэлжээ. Тэрбээр дөрөвхөн настайгаасаа мотоциклийн тэмцээнд оролцож эхэлсэн ба түүний хамгийн хурдны  амжилт нь  72 км буюу 45 миль/цаг хүрдэг байна.

Gordey Kolesov- Гордей Колесов    

Орос Улсын тэргүүлэх шатарчин хүү 2008 оны наймдугаар сарын 18-нд төржээ. Тэрбээр сайн шатарчнаас гадна Орос, Хятад, Испани, Англи, Франц гэсэн таван хэлээр чөлөөтэй ярьдаг байна. Москвагийн шатрын багийн залуу гишүүн.

Ramadan Ondash- Рамадан Ондаш

Залуу кикбоксын аварга 13 настай Рамадан Ондаш. Тэрбээр Ливаны, Арабын аварга гэсэн олон цол, медальтай. Хоёр настай байхдаа Кикбоксын тамирчин ахыгаа харан хөдөлгөөнүүдийг нь амархан сурч эхэлжээ. “Муайтай жаал” хочит тэрээр эх орондоо дээд зиндаанд тулалддаг залуухан тамирчин юм.

Prisais Townsend- Присайс Таунсенд

Дэлхийн хамгийн залуу эмэгтэй бодибилдингийн тамирчин Присайс Таунсенд анх арван сартайдаа дасгал хийж эхэлжээ. Тэр гурван сартайдаа мөлхөж, долоон сартайдаа алхаж эхэлсэн.Өдгөө найман настай охин гимнастикийн карьерт анхаарлаа хандуулсан бөгөөд тэрээр аль хэдийн 2-р түвшинд хүрч, бүлгийнхээ бүх хүүхдүүдийг давж гарчээ.

О.Эрдэнэтунгалаг