ХАГАС ТЭРБУМЫН ОРЛОГОТОЙ Ч 200 САЯ ТӨГРӨГИЙН “МУУ ЗЭЭЛ”-ЭЭ ТӨЛДӨГГҮЙ ГОРГОР, ГҮРГЭР ГИШҮҮН Б.ТУЛГА

2026-08-11, 2744

Анхны Ерөнхийлөгч П.Очирбат агсны шадар туслах П.Цагаан хожмоо УИХ-ын гишүүн, Сангийн сайд, Боловсролын сайд болж төрд томорсон. Гэвч одоо орон шоронгийн хаалга татахдаа тулж, Сингапурт “бүгэж” буй. Удаах Ерөнхийлөгч Н.Багабандийн шадар туслах Т.Аюурсайхан хожмоо УИХ-ын гишүүн, Хөдөлмөр, нийгмийн хамгааллын сайд болж төрд томорсон. Гэвч одоо 2.6 жилийн ялтай, торны цаана сууж буй. Харин гурав дахь Ерөнхийлөгч Н.Энхбаярын шадар туслах Б.Тулга одоо УИХ-ын гишүүн, бас Боомтын сэргэлтийн сайдаар ажиллаж байна. Бүтэн 20 жил Н.Энхбаярт хоёргүй сэтгэлээр хүчин зүтгэж, хариуд нь ийнхүү ордонд УИХ-ын гишүүн болж орж ирсэн нь энэ. Хэн нэгний цүнхийг тууштай барьвал хожим хэрхэн томорч болдгийн төгс үлгэрлэл, үнэнч зан үр дүнд хүргэдгийн сонгодог жишээ гэж хэлж болно, түүнийг.

Тэгвэл УИХ-ын гишүүн Б.Тулга өөрөө жилд 73 сая, эхнэр нь 666 сая төгрөгийн орлоготой, 200 саяын ганц байрнаас өөр өөрийн гэж өмчлөх юм юу ч үгүй гэж мэдүүлжээ. Эзэмшдэг компани байтугай, унах унаа, махлах мал ч байхгүй гэсэн байх юм. Үүгээрээ бол УИХ-ын гишүүдээс хамгийн үгээгүй нь Б.Тулга аж. Гэтэл үнэн хэрэгтээ УИХ-ын гишүүн Б.Тулга эхнэр Ө.Буяндэлгэр нь Ерөнхий сайд Л.Оюун-Эрдэнийн зөвлөх Э.Эрдэнэжамъяны аав Н.Эрдэнэбилэгтэй “МҮКҮ” гэх ХХК-ийг хамтран эзэмшдэг ажээ. Б.Тулга, Н.Эрдэнэжамъян хоёр Н.Энхбаярын баруун, зүүн гар болж улс төрд хамтран зүтгэж өдий хүрсний хувьд бизнесээ ч хамтран хийдэг нь энэ аж.

Тэгвэл “МҮКҮ” ХХК нь Булган аймгийн Дашинчилэн сумын I, II багийн нутагт 10 сая м2 буюу 1000 га тариалангийн газартай, улаанбуудай, гурвалжин будаа тариалдаг, дэргэдээ гурилын үйлдвэртэй. Тариалсан улаанбуудай, гурвалжин будаагаа “Соба” гурил, “Соба” гурвалжин будаа нэртэйгээр савлаж, зах зээлд худалдаалдаг ажээ. Мөн “МҮКҮ” ХХК нь тариалангийн талбайнхаа зарим хэсгийг бусдад гэрээгээр түрээслүүлж, давхар ашиг олдог ажээ.

Хамгийн ноцтой нь, УИХ-ын гишүүн Б.Тулга, Э.Эрдэнэжамъян хоёрын “МҮКҮ” ХХК нь 2018 онд ЖДҮХС-гаас 200 сая төгрөгийн хөнгөлөлттэй зээл авчээ. Гэвч долоон жил өнгөрч буй атал энэ зээлээ огт эргүүлэн төлөөгүй, одоо хүү, алдангитайгаа 202 сая төгрөг болж, “муу зээл”-ийн ангилалд орчихсон явж байна. Уг нь УИХ-ын гишүүн Б.Тулгад “МҮКҮ” ХХК-ийнхаа ЖДҮХС-гийн 202 сая төгрөгийн муу зээлийг төлж, төрийг хохиролгүй болгох бүрэн боломжтой. Нэгдүгээрт, эхнэр Ө.Буяндэлгэр нь жилд 666 сая төгрөгийн орлоготой гэж мэдүүлдэг. Төрөөс авсан зээлээ гурав нугалаад төлсөн ч хүрэлцэхээр орлого олдог гэсэн үг. Хоёрдугаарт, өнгөрөгч УИХ-ын сонгуулиар Б.Тулга 813 сая төгрөг зарцуулж, УИХ-ын гишүүн болсон. Төрөөс авсан зээлээ дөрөв нугалаад төлсөн ч хүрэлцэхээр мөнгөөр сонгуульдаж, УИХ-ын гишүүн болчихоод сууж буй гэсэн үг.

Цаашилбал, Б.Тулгын эхнэр Ө.Буяндэлгэр нь “Дөрөвдүгээр фарм” ХХК-ийг “Дөрөвдүгээр эмнэлэг” ХХК-тай хамтран эзэмшдэг. Харин “Дөрөвдүгээр эмнэлэг” ХХК-ийг Банзрагчийн Золжаргал, Банзрагчийн Баяржаргал гэх эгч, дүү хоёр эзэмшдэг. Эгч Б.Золжаргал нь Монголын Уулчдын Үндэсний холбооны Дэд ерөнхийлөгчөөр ажилладаг. Харин Монголын Уулчдын Үндэсний холбооны Ерөнхийлөгч нь УИХ-ын гишүүн Б.Тулга. Тэгэхээр Б.Золжаргал гэгч нь УИХ-ын гишүүн Б.Тулгатай Монголын Уулчдын Үндэсний холбоог хамтран удирддаг, эхнэр Ө.Буяндэлгэртэй нь “Дөрөвдүгээр фарм” ХХК-ийг хамтран эзэмшдэг, нэгдмэл ашиг сонирхолтой этгээд гэсэн үг.

Тиймдээ ч Ө.Буяндэлгэр, Б.Золжаргал хоёр “Дөрөвдүгээр фарм” ХХК-аараа өнгөрөгч 2024 оны УИХ-ын сонгуулийн өмнөхөн Б.Тулгын нэр дэвшсэн тойрог буюу Сэлэнгэ, Дархан-Уул, Төв аймгийн Нэгдсэн эмнэлгүүд болон тус аймгуудын хувийн эмнэлгүүдэд зүү, тариур үнэгүй хандивлаж, эмч, сувилагч нарыг нь сургалтад хамруулж, цуврал уулзалтууд зохион байгуулсан. Өөрөөр бол, Б.Тулга эхнэр Б.Буяндэлгэр, найз Б.Золжаргал хоёрынхоо “Дөрөвдүгээр фарм” ХХК-ийг ашиглан Сэлэнгэ, Дархан-Уул, Төв аймагт өөрийгөө сурталчилж, эмч, сувилагч нарын саналыг авахын тулд сургалт зохион байгуулж, зүү, тариур хандивласан байж болзошгүй гэсэн үг.

Харин Б.Тулгын эхнэр Ө.Буяндэлгэртэй “Дөрөвдүгээр фарм” ХХК-ийг хамтран эзэмшигч дүү Б.Баяржаргал нь УИХ-ын гишүүн, Зам, тээврийн хөгжлийн сайд Б.Дэлгэрсайханы хамаарал бүхий этгээд. Тодруулбал, Б.Баяржаргал нь 2010 оноос хойш Б.Дэлгэрсайханы “Болдтөмөр ерөө гол” ХХК-ийн Тээврийн албаны даргаар ажилласан. 2016 онд Б.Дэлгэрсайханыг УИХ-ын гишүүн болмогц туслах нь болж, 2021 хүртэл таван жил ажилласан. Ингээд 2021 онд Б.Дэлгэрсайхан өөрийн туслах Б.Баяржаргалыг “Монголиан транс лайн” ХХК-ийнхаа хувьцаа эзэмшигч, Гүйцэтгэх захирлаар томилсон. Улмаар 2021 онд Б.Дэлгэрсайхан туслах Б.Баяржаргалынхаа нэр дээрх “Монголиан транс лайн” ХХК-аар дамжуулан Засгийн газартай концессын гэрээ байгуулж, Зүүнбаян-Ханги боомт чиглэлийн 226 төмөр замын ажлыг гүйцэтгэсэн. Улмаар 2022 оны арваннэгдүгээр сард Зүүнбаян-Ханги боомт чиглэлийн 226 км төмөр замыг “Монголиан транс лайн” ХХК-ийн Гүйцэтгэх захирал Б.Баяржаргал нь Ерөнхий сайд Л.Оюун-Эрдэнэтэй хамт нээж байлаа.

Гол нь, одоо концессын гэрээний дагуу Зүүнбаян-Ханги боомт чиглэлийн 226 км төмөр замыг “Монголиан транс лайн” ХХК нь эзэмшиж байгаа. Энэхүү Ханги боомтын төмөр замыг Хятадын Мандал боомттой холбох төсөл нь Засгийн газрын 14 мега төслийн хоёрт бичигдэж байгаа бөгөөд Гашуунсухайт-Ганцмод боомтын төмөр замын төслийн дараа хэрэгжүүлнэ. Чиг үүргийн дагуу Боомтын сэргэлтийн сайд Б.Тулга, Зам тээврийн хөгжлийн сайд Б.Дэлгэрсайхан хоёр Ханги-Мандал боомтын хил холболтын төмөр замын төслийг хэрэгжүүлэх ажлыг удирдана. Гэтэл дээр дурдсанчлан, Боомтын сэргэлтийн сайд Б.Тулга, Зам тээврийн хөгжлийн сайд Б.Дэлгэрсайхан, Зүүнбаян-Ханги боомтын төмөр замын концесс эзэмшигч “Монголиан транс лайн” ХХК-ийн эзэн, гүйцэтгэх захирал байсан Б.Баяржаргал гурав хоорондоо холбоотой, нэгдмэл ашиг сонирхолтой болж таарч байна.

ХАГАС ТЭРБУМЫН ОРЛОГОТОЙ Ч 200 САЯ ТӨГРӨГИЙН “МУУ ЗЭЭЛ”-ЭЭ ТӨЛДӨГГҮЙ ГОРГОР, ГҮРГЭР ГИШҮҮН Б.ТУЛГА

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 6

Сэтгэгдэл үлдээсэн: 2026-08-14 17:34:08

Зочин: SEXSEER TAICHNA MERGJLN SEXSYGEER VANXANDGCH BIEE UNELLEED VABALDI BOOW XXI BOOB DOLOOJ TOMSGN XELEERE GOE DOLOON ALNI SEKSEER ANUSDI 80955877
Сэтгэгдэл үлдээсэн: 2026-08-13 14:53:14

зочин : муу новш
Сэтгэгдэл үлдээсэн: 2026-08-12 18:02:55

Зочин: Хүн шоолсныхоо төлөө тусгай албаэд элсүүлнэ гэсэн боловч одоог болтол таг чиг Нэлээн хэдэн жил өнгөрлөө
Сэтгэгдэл үлдээсэн: 2026-08-11 16:56:54

Zochin : Nambayriin Enchbayriin udirdlagan door Tulga masch ivh chulgai chiij ulsiin mongiig monch ich zuvchuulsan buzariin luivarchin schuudee.
Сэтгэгдэл үлдээсэн: 2025-10-04 09:54:03

Ddavaa: Negent barisan zamiin holboj tee erhiig yostoi yumbish uu? "Myanguujin"-grin zam deeguur Odoo buh namiin hamaaralbuhii ergeeguud davhqij sum bag ruugaa here baigaa biz dee
Сэтгэгдэл үлдээсэн: 2025-09-29 11:08:28

зочин: Сайн бичжээ,