"Есөн сарын нэгэн, ерөөсөө бидний баяр даа..." гээд л улс даяараа шинэ хичээлийн жилээ эхлүүллээ. Сургуулийн алтан босгыг алхан сурагч болж буй энхрий бяцхан хүүхдүүдийн баяр хөөр, сэтгэл догдлол дүүрэн, хүү, охиноо сургууль, цэцэрлэгт оруулахдаа хөнгөн гуниг тээн хоцорч, ингээд л "Амьдралд хөл тавилаа даа" гэж чимээгүйхэн аньсага чийгтсэн гэгээн өдөр бол есдүгээр сарын нэгэн. Тэгвэл бид тэдний баяр жаргал дүүрэн мөчөөс ийн дурандаа буулгалаа. Хүүхэд бүхэн инээж, хүсэл тэмүүлэл нь биелэх болтугай.