ДУУЧИН Ч.УРАНХОЛБОО: Надад сэтгэлээсээ өгсөн бэлэг бүр үнэ цэнтэй

Х. Доржпалам:
Эргэлтийн дуран- Амрах агшин

2022-03-08, 849

Анх 1910 онд олон улсын эмэгтэйчүүдийн өдрийг бий болгох санаачлагыг Германы социалист үзэлтэй эмэгтэй Клара Цеткин гаргасан гэж үздэг. Олон улсын эмэгтэйчүүдийн эрхийг хамгаалах өдрийг өмнө нь олон улсын ажилчин эмэгтэйчүүдийн өдөр хэмээн нэрлэдэг байжээ. Улс орнууд энэ өдрийг бүх нийтийн баярын өдөр болгон тэмдэглэх болж, эмэгтэйчүүдийн эдийн засаг, улс төр, нийгэм, гэр бүлдээ эзлэх байр суурийг бэхжүүлэхэд чиглэсэн олон талт нөлөөллийн ажил зохион байгуулдаг. Эмэгтэйчүүдийн эрх гэдэг нь хүний эрх юм. Энэ нь ямар нэгэн тусдаа ойлголт биш бөгөөд харин хүний эрхийг тэгш эдлэх боломжоор хангах талаарх ойлголт хэмээн үздэг. Тиймээс бид энэ өдрийнхөө дугаарт өөрсдийн ажил алба болон эгэл жирийн ээжүүдтэй холбогдож дараах сэтгэгдэл, үзэл бодлын талаар бэлтгэлээ.

Тайзан дээрээ баяр, жаргалтай тэмдэглэдэг

МУГЖ Ж.Оюундарь: Би “Олон улсын эмэгтэйчүүдийн эрхийг хамгаалах өдөр”-ийг ихэвчлэн театр дээрээ өнгөрүүлдэг. Учир нь үзэгчдээ баярлуулахын төлөө тоглолтоо хийж, тайзан дээрээ баяр, жаргалтай тэмдэглэдэг. Манай хамт олон тэр дундаа эрчүүд маань эмэгтэйчүүдээ баярлуулдаг. Тоглолтын дараа гэртээ очиж ээжийгээ баярлуулна. Эгч нь “Олон улсын эмэгтэйчүүдийн эрхийг хамгаалах өдөр”-ийг эрх чөлөөний өдөр гэж боддог. Мөн цэцэгсийн баяр гэж боддог. Яагаад гэхээр энэ өдөр эмэгтэйчүүд хамгийн сайхан харагддаг шүү дээ. Үр хүүхэд маань хичээл номондоо сайн байх нь хамгийн том баяр байдаг. Үүнээс гадна баярын өдрөөр ээждээ цэцэг бариад ирнэ. Их хөөрхөн шүү дээ.

Эгч нь “Олон улсын эмэгтэйчүүдийн эрхийг хамгаалах өдөр”-ийг эрх чөлөөний өдөр гэж боддог. Мөн цэцэгсийн баяр гэж боддог.

Надад сэтгэлээсээ өгсөн бэлэг болгон үнэ цэнэтэй

Дуучин Ч.Уранхолбоо: Энэ өдрөөр ээжийгээ болон гэр бүлийнхээ хүмүүсийг эхлээд баярлуулдаг. Харин Мартын наймны өдрийг угтаад хоёр, гурав хоногийн өмнө олон эмэгтэйчүүдийг баярлуулдаг. Би “Олон улсын эмэгтэйчүүдийн эрхийг хамгаалах өдөр”-ийг баяр гэхээсээ илүүтэй эмэгтэйчүүд эрхийнхээ төлөө дуу хоолойгоо нэгтгэх өдөр гэж бодож байна. Тиймээс монголын эмэгтэйчүүдэд боломжоороо туслах үйл хэргийг эхлүүлбэл зохимжтой болов уу. Яагаад гэхээр монгол бүсгүйчүүд маань амьдралыг нуруун дээрээ авч явдаг. Тиймээс энэ бүсгүйчүүдийн төлөө бага ч болов сайн үйлс хийгээсэй гэж хүсдэг.

монгол бүсгүйчүүд маань амьдралыг нуруун дээрээ авч явдаг. Тиймээс энэ бүсгүйчүүдийн төлөө бага ч болов сайн үйлс хийгээсэй гэж хүсдэг.

Одоогоор хүүхдүүд маань жаахан болохоор ээждээ бэлэг сэлт бэлдэж өгөх боломжгүй л дээ. Гэхдээ миний төрсөн өдрөөр зурагт мэндчилгээнүүдийг гараараа хийж өгдөг. Мөн би хүний өгсөн бэлгийг гоё, муухай гэж ялгах дургүй л дээ. Надад сэтгэлээсээ өгсөн бэлэг болгон үнэ цэнэтэй. Ханиасаа “Олон улсын эмэгтэйчүүдийн эрхийг хамгаалах өдөр”-өөр олон сайхан бэлэг авч байсан.

Урмын үг сонсох нь хамгийн том бэлэг байдаг

“Алдарт эх” номинацын эзэн Д.Оюумаа: Би “Олон эмэгтэйчүүдийн эрхийг хамгаалах өдөр”-ийг гэр бүлийнхээ хүрээнд тэмдэглэж өнгөрүүлдэг. Хүүхдүүд маань жаахан учраас халуун ам бүлээрээ гэртээ л тэмдэглэдэг. Хүүхдүүд маань том болохоор гадуур гарч хоолонд орж, кино үзэж, хамтдаа алхана. Тэр цаг тун удахгүй ирэх байх. Энэ өдрөөр эмэгтэйчүүддээ зориулсан урлаг соёлын тоглолт хийж байгаасай гэж хүсдэг л дээ. Яагаад гэхээр эмэгтэй хүний эрхийг хамгаалах өдөр учраас ямар нэгэн урлагийн үнэгүй тоглолт хийгээсэй.

манай гэр бараг л цэцгийн хүлэмж шиг болсон нь үнэхээр гоё. Харахдаа болгондоо аз жаргалыг мэдэрдэг

Би өмнө нь “Нарантуул” зах дээр наймаа хийдэг байсан. Хүмүүсийн амьдралын боломж, бололцоо ямар байгааг мэддэг. Урлагийн ямар нэгэн тоглолтын тасалбар авах мөнгөтэй хүн ч боломжгүй хүн ч бий. Тиймээс энэ өдөр эмэгтэйчүүдээ зориулаад эрх, тэгш үзүүлэхийн тулд үнэгүй тоглолт хийгээсэй гэж боддог. Мөн надад хүмүүсийн өгсөн бэлэг таалагддаг. Тэр дундаа урмын үг сонсох нь хамгийн том бэлэг байдаг. Үүнээс гадна эмэгтэйчүүдийн баяраар нөхөр маань надад цэцэг өгсөн. Тэр цэцэг ургаж, үржээд манай гэр бараг л цэцгийн хүлэмж шиг болсон нь үнэхээр гоё. Харахдаа болгондоо аз жаргалыг мэдэрдэг.

ДУУЧИН Ч.УРАНХОЛБОО: Надад сэтгэлээсээ өгсөн бэлэг бүр үнэ цэнтэй

Шинэ мэдээ

Нийтлэлчид