Уулсын өндөр, ус голын тунгалаг хосолсон үзэсгэлэнт нутаг бол Ховд аймгийн Дарви сум. Улаанбаатар хотоос 1300 гаруй километр зам туулж, тус суманд аяны дөрөө мултлах үест айлын эзэгтэй тогтоо нэрж суув. Бүрхээр, тогоо залгаж, шимийн охь тунгалагшуулахыг ойрын хэдэн жил хараагүй болохоор ч тэр үү хүүхэд насны нандин дурдатгалууд сэтгэлийн буйдад эгээ л хэнз унага мэт тонгочино. Ай сайхан хүүхэд нас, амгалан хөдөө минь.