"Хайртай нэгэнтэйгээ хамт л байвал өдөр бүр баяр"

Гэгээн хайрын өдрийг энэ жил гэр гэртээ тэмдэглэх болсон ч хайртай түүнтэйгээ хамт байгаа нь хамгийн их аз билээ. Хайрын баяраар гэртээ кино үзэж, хоол идэхээс гадна  романтик тэмдэглэж болно гэдгийг санаарай. Хайрттайгаа нэгэн романтик өдрийг өнгөрөөх есөн санааг санал болгож байна.

1. Гэрийн спанд хамт суух

Хайртай хүнтэйгээ лаа асаасан ваннд дуртай үнэртэй хөөсөө хийж, хөгжим тавин хамт сууж, нэгэн романтик үдшийг өнгөрөөгөөрэй.

 2. Захидал бичих

Хайртай нэгнээсээ сэтгэлийн үгтэй захидал авах хэзээд сэтгэл догдлом байдаг. Хайртай хүндээ энэ л өдөр сэтгэлийн үгтэй захидал бэлэглээрэй.  Жил бүр захидал солилцдог уламжлалтай болвол олон жилийн дараа уншихад дурсамжтай.

3. Зочны өрөөгөө бүжгийн заал болгох

Зочны өрөөндөө гэрэл эсвэл лаа асааж, орчноо бага зэрэг өөрчилж, бүжиглэх зай гарган, дуртай хөгжмөө эсвэл пянз тавиад гоёлын даашинз, хувцсаа өмсөөд хоёр хүний үдэшлэг зохион байгуулаарай.

4. Өөрийн дотор нуугдсан тогоочоо сэрээх

Өөрийн дотор нуугдсан ахлах тогоочоо сэрээж, зөвхөн тансаг ресторанд л идэж болох жороор хайрт нэгэндээ хоол хийж өгөөрэй. Хамтдаа шинэ жор туршиж үзсэн ч болно.

5.  Кино дүрд орж тоглох

Кино дүрд хувирч, эсвэл киноны хэсгээс таалгаж тоглож ч болно. Мөн Валентины өдөр дуртай киноныхоо дүрд хувирч, болзож болно.

6. Хөгжмийн жагсаалт гаргах

Нэг нэгэндээ зориулж хөгжмийн жагсаалт гарган, түүнийгээ өдөржин сонсож болно.

7. Хайрын альбом хийх

Хамтын хайрын дурсамжаар альбом бэлдэж бэлэглэж болно шүү.  

8. Нэг нэгэндээ зориулж шүлэг бичих

Хайртаа түүндээ шүлэг зориулан бичиж, эсвэл дуртай шүлгээ уншиж өгөх нь хайртай гэж хэлснээс ч романтик мөч байх болно.

9. Романтик кино үзэх

 Хэрэв та  хайртай хүнтэйгээ удаан хугацааг хамт өнгөрөөсөн бол анхныхаа болзоогоо эргэн санаж, хамт үзсэн кино, уусан дарсаа санаж, анхны болзоон дээр өмссөн хувцсаа өмсөж, ахин нэг болзоорой.