Хөвсгөл аймгийн нэгдсэн эмнэлгийн Мэс засал, Мэдээгүйжүүлэг эрчимт эмчилгээ, нярайн тасгийн хамт олон ЭХЭМҮТ-ийн Хүүхдийн ерөнхий мэс заслын тасгийн эрхлэгч Л.Ганбаяртай телемедицинээр холбогдон, 1300 гр жинтэй, төрөлхийн 12 хуруу гэдэс битүү нярайд мэс засал амжилттай хийжээ.Орон нутгийн эмч нар бага жинтэй, төрөлхийн эмгэгтэй нярайд өөрсдийн хүч, оюун ур чадвараа дайчлан яаралтай тусламжийг үзүүлсэн анхны тохиолдол энэ болсон байна. Хөл хорионы улмаас хот хоорондын хөдөлгөөнд хязгаарлалт тогтоогоод буй энэ үед эрүүл мэндийн салбарынхан телемедициний сүлжээгээ ашиглан мэс заслын яаралтай тусламж үзүүлэх дэд бүтэц гурав дахь шатлалын эмнэлгүүд болон аймгуудын нэгдсэн эмнэлгүүдэд хийж байна.

Мэс заслын багт:

Мэс заслын эмч: Д.Эрдэнэбаатар, Г.Төгсбаяр, Б.Төгөлдөр

Эрчимт эмчилгээ мэдээгүйжүүлгийн эмч: П.Түмэнжаргал, С.Бямбасүрэн

Нярайн эмч: Ж.Нямхүү, Л.Мөнхцацрал

Мэс заслын сувилагч: Ч.Гүнсэнноров

Мэдээгүйжүүлгийн сувилагч: Б.Долгорсүрэн, Э.Мөнхзул

Туслах сувилагч: Ц.Ганчимэг нар ажиллажээ.