ЭМЯ-наас коронавирусийн нөхцөл байдлын талаар мэдээлэл хийлээ. Үүний дараагаар сэтгүүлчдийн асуултад хариулсан юм.

ХӨСҮТ-ийн Тандалт судалгааны албаны дарга А.Амбасэлмаа

-Баянгол дүүрэгт амьдардаг зургаан хүнээс халдвар илэрсэн гэсэн. Энэ талаар тодорхой мэдээлэл өгнө үү?

-Баянгол дүүргийн VI хорооны 43а байранд амьдардаг зургаан хүнээс халдвар илэрсэн. Иргэд орцноосоо халдвар авсан байх магадлалтай. Мөн өмнөх батлагдсан тохиолдлуудлын ойрын хавьтал байсан. Халдвар илэрсэн зургаан хүний хоёр нь “Мөнгөн гүүр”, Иргэний нисэхийн ерөнхий газарт ажилладаг. Мөн 43а байрны зэргэлдээх 65, 57 дугаар байр, хажуу талын “Ачтан” эмнэлгийн ажилчдын байрнаас халдвар илэрсэн. Баянгол дүүрэгт халдвар сүүлийн үед орцноос голомтлон гарч байна.

-Баянгол дүүргийн хоёр хороонд хөл хорио тогтоосон. Энэ хоёр хоногийн хугацаанд халдвараа хумьж чадах уу?

-Шаардлагатай бүх арга хэмжээг авч ажиллаж байна. Халдвар тус хоёр хорооны нутаг дэвсгэрт байрлах байрнуудын орцноос идэвхтэй гарч байгаа учраас иргэдийг шинжилгээнд хамруулах ажил өрнөж байна.