ЭМЯ-наас коронавирусийн халдварын нөхцөл байдлын талаар мэдээлэл хийж байна. Нэгдүгээр сарын 7-нд ХӨСҮТ-ийн вирус судлалын хоёр лаборатори, ЗӨСҮТ-ийн лаборатори, авто лаборатори, НЭМҮТ-ийн лаборатори, Дархан-Уул, Сэлэнгэ, Дорнод аймгийн салбар лабораторид 14225 хүнд PCR шинжилгээ хийхэд 33 хүнээс коронавирусийн халдвар илсэн талаар мэдээллээ. Энэ талаар ХӨСҮТ-ийн Тандалт судалгааны албаны дарга А.Амбасэлмаа "Цэргийн төв эмнэлгийн эмч, сувилагч, "Мөнххада", "Ачтан-Элит клиник" эмнэлгээс гарсан халдварын ойрын хавьтлуудаас халдвар илэрсэн. Мөн Баянгол дүүргийн V хороонд байрлах нэг байрны орцны иргэдээс халдвар илэрч байна. Улаанбаатар хотод дотоодын халдварын тоо 571 , улсын хэмжээнд 897 болж, сүүлийн 24 цагийн хугацаанд долоон хүн эмчлэгдэн гарчээ. Улсын хэмжээнд нийт халдварын тоо 1395 болж, 896 хүн буюу 64.2 хувь нь эдгэрсэн. ХӨСҮТ, Цэргийн төв эмнэлэг, Хан-Уул дүүргийн 300 ортой эмнэлэг, Сэлэнгэ аймгийн эмнэлэгт нийт 488 батлагдсан тохиолдол хэвтэн эмчлүүлж байгаагаас биеийн байдал маш хүнд гурав, хүнд 12,  хүндэвтэр, хөнгөн 261 хүн байна" гэлээ.