Дархан-Уул аймагт коронавирусийн есөн тохиолдол шинээр бүртгэгдэж, 44 хүн вирусийн халдвар авсан нь батлагдлаа. Энэ талаар тус аймгийн Засаг дарга Б.Азжаргал "Манай аймаг нэг өрхөөс нэг хүн шинжилгээнд хамруулах ажлыг зохион байгуулж байна. Одоогийн байдлаар 20 мянга орчим иргэнээс шинжилгээ аваад байна. Батлагдсан тохиолдол 35 байсан бол өнөөдрийн байдлаар есөн хүн халдвар авсан нь батлагдаж, 44 хүн боллоо. ХӨСҮТ, НЭМТ-өөс манай аймагт хоёр тусгай баг ирж ажилласнаар нэг өрхийн нэг иргэнээс шинжилгээ авах ажлыг амжилттай зохион байгуулж байна. Дархан-Уул аймагт одоогийн байдлаар хоёр голомт байгаа. Нэг нь, төмөр замын ажилчдаар дамжсан голомт. Харин хамгийн анх бүртгэгдсэн халдварын голомтыг тогтоож чадахгүй байсан. Тархавар судлаачид хамгийн анх бүртгэгдсэн халдварын голомтыг Сэлэнгэ аймгаар дамжсан халдвар байна гэж таамаглаж байна" гэлээ.