Сэлэнгэ аймагт 10 хүнээс халдвар илэрлээ

Эрүүл мэндийн яамнаас коронавируст халдварын нөхцөл байдлын талаарх ээлжит мэдээлэл өгч байна. Өчигдрийн 11:00 цагийн мэдээллээр 18031 хүнд шинжилгээ хийснээс 26 хүнээс коронавирусийн халдвар илэрсэн. ХӨСҮТ-ийн клиникт тусгаарлагдсан дотоодын анхны халдварын хүүхэд, нөгөө нь бариа засалчтай холбоотой иргэний хавьтал байсан билээ. Мөн ХӨСҮТ-ийн нэг эмчээс халдвар илэрч, эмнэлэг сувиллын нийт 11 тохиолдол батлагдсан. Халдвар авсан 80 настай эрэгтэй аппаратанд байгаа талаар мэдээлэл өгсөн юм.

Харин өнөөдрийн нөхцөл байдлын талаар ХӨСҮТ-ийн Тандалт судалгааны албаны дарга А.Амбасэлмаа “ХӨСҮТ, ЗӨСҮТ, Сэлэнгэ, Дархан, Орхон аймагт нийтдээ 11929 хүнд шинжилгээ хийхэд 22 хүнээс халдвар илэрлээ. Үүний дөрөв нь зөөвөрлөгдсөн орж ирсэн буюу ТИР машины жолооч нараас халдвар илэрсэн.  Улаанбаатар хотод тав, Сэлэнгэ аймагт 10, Дархан-Уулд хоёр шинэ тохиолдол бүртгэгдлээ. Халдвар илэрсэн хүмүүс тусгаарлагдсан байсан" гэлээ. 

Дотоодын халдвар 318, батлагдсан тохиолдол 76 боллоо.