ЭМЯ-наас өнөөдөр коронавирусийн голомтод ажиллаж байсан сувилагчаас халдвар илэрсэн талаар мэдээллээ. Мөн үүнтэй зэрэгцэн тусгай дугаараас “Ковид-19” халдвараас сэрэмжтэй байцгаая. Коронавирусийн аюул ойрхон байна” гэх мессэжийг иргэн бүрт илгээв бололтой.  

Халдвар хаана  алдагдсан бэ

ХӨСҮТ-ийн ерөнхий захирал Д.Нямхүү “Коронавирусийн голомтод ажиллаж байсан сувилагчийн хяналтын шинжилгээнээс коронавирус илэрсэн нь үнэн.  Гэхдээ хяналтын буюу тусгаарлалтын хугацаанд байх хугацаанд халдвар илэрсэн. Тэгэхээр манай сувилагч гэр бүлийнхэнтэйгээ уулзаагүй, биеийн байдал нь хэвийн байгаа. Бид хаана халдвар алдагдсаныг шалгаж байна. Тухайн хүнийг тусад нь тусгаарлаж байгаа. Бусад таван хүнийг ажиглалтад байлгаж байна” гэх мэдээлэл өглөө.

14 хоногийн хугацаанд эмч, сувилагч, асрагч, ариутгагч нартай хамтран ажилласан сувилагч  халдвартай иргэнийг эмчилж байхдаа халдвар авсан гэдэг нь тодорхой. Тэгвэл эмчилгээний 14 хоногийн хугацаанд хамтран ажилласан бусад ажилтан ч мөн ялгаагүй халдвар авсан юм биш үү. Тодруулбал, түүнтэй хамгийн ойр ажиласан таван хүнийг хяналтад аваад байгаа аж. Хамгаалалтын хувцсаа тайлаад тэд бие биетэйгээ юм ярьсан л байж таараа. Тэгэхээр халдвартай сувилагч голомтод ажилллаж буй эмчээсээ заавар, ариутгагчаасаа зөвлөмж, асрагчдаа даалгавар өгөх үедээ халдвар дамжуулсан ч байж магад. Эсхүл бусад ажилтнаас ч халдвар авсан байхыг үгүйсгэхгүй.

Хамгаалалтын хувцас хангалттай бий юү

Эмч, эмнэлгийн байгууллагын ажилчид, тэр дундаа сувилагч халдвар авсан тохиолдол дэлхийн хэмжээнд цөөнгүй бүртгэдсэн. Тэдний халдвар авч байгаа ганцхан шалтгаан нь халдвар хамгаалалтын хувцасны хомсдлоос болсон гэдэг. Тэгвэл манай улсын дотооддоо халдвар халдсан анхны тохиолдол нь сувилагч байсан гэхээр халдвар, хамгаалалтын үед өмсөх хувцас хомсдсон гэсэн үг үү.