Сэлэнгэ аймгийн Ерөө сумын төвөөс баруун зүгт 25 км-т Буурагчин багийн Нам даваа гэдэг газарт ой, хээрийн түймэр гарчээ. Энэ тухай дуулага мэдээлэл өчигдөр буюу тавдугаар сарын 15-нд 12:40 цагт Онцгой байдлын газарт бүртгэгдсэн байна.

Дуудлагын дагуу Сэлэнгэ аймгийн Онцгой байдлын газрын Гал түймэр унтраах, аврах 36 дугаар анги, Эрэн хайх, аврах ангийн алба хаагчид Ерөө, Жавхлант, Хонгор сумын иргэд, Дархан-Уул аймгийн Онцгой байдлын газрын Гал түймэр унтраах, аврах 22 дугаар ангийн алба хаагчид хээрийн түймрийг унтраахаар ажиллаж байна.