Газрын харилцааны ажилтны өдрийг тохиолдуулан ГЗБГЗЗГ “Цусаа хандивлаж, амьдрал бэлэглэе“ аяныг зохион байгуулж байна. Энэ талаар ГЗБГЗЗГ-ын хот байгуулалтын хэлтсийн дарга Б.Одбаатараас тодруулахад “Газрын харилцааны ажилтны өдрийг тохиолдуулан цар тахалтай хүнд үед “Цусаа хандивлаж, амьдрал бэлэглэе” аяныг зохион байгуулж байна.

Энэ аян улсын хэмжээнд хэрэгжиж байгаа. Орон нутгийн газрын харилцаа, барилга, хот байгуулалтын газар, нийслэлд газрын алба, Барилга, хот байгуулалтын яам, манай байгууллага өнөөдөр хэрэгжүүлээд явж байна. Манай агентлагийн хувьд нийт 80 гаруй ажилтан, алба хаагчидтай. Түүнээс 50 гаруй ажилчид цусаа хандивлаж байна” гэлээ.