БШУЯ-наас элсэлтийн ерөнхий шалгалт болон хичээлийн хоцрогдлын талаар мэдээлэл хийлээ. Энэ үеэр Боловсрол, шинжлэх ухааны сайд Л.Энх-Амгалан "Монгол Улсын Засгийн газрын шийдвэрээр элсэлтийн ерөнхий шалгалт өгч буй хүүхдүүдээс Монгол хэл, бичгийн шалгалт авахгүй байхаар шийдвэрлэсэн. Монгол Улсын хэмжээнд элсэлтийн ерөнхий шалгалт өгөхөөр бүртгүүлсэн 40 мянга гаруй хүүхэд байна.

Цаашид бид элсэлтийн ерөнхий шалгалтыг жилд хоёр удаа авдаг байх горимд шилжүүлнэ

Мөн өмнөх онд элсэлтийн ерөнхий шалгалт өгч чадаагүй, энэ жил нөхөж өгөхөөр бэлдэж буй 8000 гаруй хүүхэд бүртгүүлсэн. Цаашид бид элсэлтийн ерөнхий шалгалтыг жилд хоёр удаа авдаг байх горимд шилжүүлнэ. Энэ нь XII анги төгсөж буй хүүхдүүдэд том боломж  юм" гэлээ.