Буддын шашинтнууд олноор амьдардаг улс орнуудад уг өдрийг нийтээр тэмдэглэх баяр болгон амрахаас гадна өөр олон улсад янз бүрийн хэлбэрээр тэмдэглэн өнгөрүүлдэг. Улсын Их хурал “Нийтээр тэмдэглэх болон тэмдэглэлт өдрүүдийн тухай” хуульд өөрчлөлт оруулан Бурхан багшийн мэндэлсэн Их дүйчэн өдөр буюу зуны тэргүүн сарын шинийн 15-ны өдрийг амралтын өдөр болгон өөрчилсөн юм. Тус өдөр нь энэ жил тавдугаар сарын 26-нд тохиох аж. Тиймээс Бурхан багшийн мэндэлсэн Их дүйчэн өдөр бүх нийтээр амарна. Манай  улсад 1990 оноос хойш тэмдэглэх болсон юм. Харин 2020 оноос бүх нийтийн амралтын өдөр болгон өөрчилсөн аж.