Монгол Улсын Засгийн газраас иргэн бүрт олгосон 300 мянган төгрөгөө авч чадаагүй иргэд бий. Дархан-Уул аймгийн тэдгээр иргэдийн мэдээллийг нягтлах, бүртгэх даалгаврыг Дархан-уул аймгийн Санхүү, төрийн сангийн хэлтэст аймгийн Засаг дарга үүрэг болгосон. Энэ дагуу тавдугаар сарын 1-ний өдөр 571, тавдугаар сарын 4-нд 171, нийт 742 иргэний дансны мэдээллийг авч Хөдөлмөр, нийгмийн хамгаалалын яаманд хүргүүлжээ. 

Өнгөрсөн 14 хоногийн хугацаанд Санхүү, төрийн сангийн хэлтсээс банкуудын удирдлагуудтай уулзаж, иргэдэд мэдээлэл өгөх нээлттэй утас ажилуулах санал хүргүүлж дэмжигдсэн. Ингэснээр Засгийн газраас олгосон 300 мянган төгрөгөө аваагүй иргэд аль ч банкнаас өөрт холбогдолтой мэдээллээ шалгуулах боломжтой болсон юм. Иргэн, төр, арилжааны банк хамтран ажилласны үндсэн дээр судалгаа гарган, харьяа яам руу нэрсийг илгээж 300 мянган төгрөгөө авах боломжийг нээжээ.