• Өнөөдөр 2025-04-04

Ховд аймгийн Зэрэг суманд тэг зогсолт хийжээ

2021-04-30,   615

Ховд аймгийн бүсийн оношилгоо эмчилгээний төвийн салбар лаборатори сүүлийн 24 цагийн хугацаанд нийт 236 сорьцод PCR шинжилгээ хийжээ. Энэ хугацаанд халдвар авсан хүний тоо 14-ээр нэмэгдэж, дөрөвдүгээр сарын 30-ны өдрийн байдлаар батлагдсан тохиолдол нийт 236 боллоо.

Тусгаарлан ажиглах байранд байгаа долоон иргэн, Жаргалант сумын Буянт баг, Цэцэрлэгт хүрээлэнгийн нэгдүгээр байрны нэг оршин суугчаас халдвар илэрчээ. Мөн Зэрэг суманд эмнэлзүйн шинж тэмдэг илэрсэн зарим иргэдээс шинжилгээ авахад зургаан хүнээс коронавирусийн халдвар илэрсэн нь халдварын шинэ голомт болж байна.

Үүнтэй холбогдуулан Зэрэг сумын Онцгой комисс хуралдаж, тавдугаар сарын 3-ны өдөр хүртэлх хугацаанд тэг зогсолт хийжээ. Тус сумын төв буюу Хөндлөн багийн ихэнх иргэд халдвар авсан хүний ойрын хавьталд багтаж байгаа. Ийм учраас мэргэжлийн байгууллагууд тус сумын хүн нэг бүрээс түргэвчилсэн оношлуураар шинжилгээ авахаар төлөвлөж байна. Халдвартай зургаан иргэнийг өнөөдөр аймгийн төвийн “Тусгаарлах эмнэлэг”-т зөөвөрлөн авч ирэх юм.

 


Ховд аймгийн Зэрэг суманд тэг зогсолт хийжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.