Тосонцэнгэл суманд өнөөдрийн байдлаар коронавирусийн халдвар авсан 19 тохиолдол нэмэгдэж, нийт батлагдсан тохиолдол 127 боллоо.  “Тус суманд 1539 сорьцод шинжилгээ хийгдсэн. PCR-ийн 124 сорьцод шинжилгээ хийгдэхээр хүлээгдэж байна. Харин эмнэлэгт хэвтэн эмчлүүлэгчдийн биеийн байдал хүнд хоёр, хүндэвтэр 21 бусад нь хөнгөн байна. Батлагдсан тохиолдлуудаас эмнэлэгт эмчлүүлээд эдгэрсэн 22 хүнийг гэрт нь гаргалаа. Тандалт судалгаагаар халдварын нууц хоног тав, зургаа хоног, шинж тэмдгийн илрэх хоног гурав хоног байна. Тиймээс иргэд хөл хорионы үеэр журмын дагуу халдвар хамгааллын дэглэмээ сайн баримталж гэр гэртээ байхыг дахин зөвлөж байна” гэж Тосонцэнгэл суманд ажиллаж буй Гамшгаас хамгаалах дайчилгаанд үүрэг гүйцэтгэх бүлгээс мэдээлэв.