ХӨСҮТ-ийн дэргэд байгуулж буй хүчил төрөгчийн үйлдвэрийн барилгын ажил бүрэн дууссан бөгөөд энэ долоо хоногт туршилт хийж эхлэнэ. ХӨСҮТ-ийн “Хүчилтөрөгч дамжуулах төв” нь өдөрт өндөр даралтын 100 ширхэг баллон буюу 600 метр куб хүчилтөрөгч нийлүүлдэг ч хүрэлцдэггүй байна. Коронавирусийн халдварын тархалт өндөр байгаа энэ үед хүчил төрөгчийн хэрэгцээ 4-5 дахин нэмэгдэж байгаа тул хүчилтөрөгчийн үйлдвэр барих болсон юм.

Тус үйлдвэр нь  Герман улсын технологиор цагт нам даралтын (0,5 мРа) хүчилтөрөгчийг 40 метр куб үйлдвэрлэхээс гадна өндөр даралтын (150мРа)  баллоныг нэг цагт 3-4  ширхэгийг цэнэглэх өндөр хүчин чадалтай аж.