Автомашиныг QR кодоор зорчуулах болсонтой холбоотой УОК, НОК-оос албан ёсны мэдээлэл өгч байна. Энэ үеэр ТЦА-наас “УОК, НОК, Нийслэлийн засаг даргын захирамжийг цагдаагийн алба хаагчид биелүүлж байгаа. Тиймээс жолооч нар цагдаагийн алба хаагчдын тавьсан шаардлагыг биелүүлж хүлээцтэй хандах хэрэгтэй байна. Ойлголтын зөрүү гарч байна.

Энэ болгон дээр цагдаагийн алба хаагч нар ойлгуулах ажлыг хийж байна. Автомашиныг QR кодоор зорчуулахтай холбоотой цагдаагийн байгууллагаас гадна бусад хууль хүчний байгууллага нэмэлтээр ажиллаж байгаа. Иймд та бүхэн тээврийн цагдаагийн албатай хамтран ажиллаж, замын хөдөлгөөнд тавьсан хязгаарын дагуу оролцоно уу. Цагийн хязгаар дууссан байхад хөдөлгөөнд оролцсоор байна. Нийтийн тээвэр өглөө 07.00-10.00 цагийн хооронд л үйлчилнэ” гэлээ.