Сүүлийн 24 цагт Арвайхээр, Хархорин, Хужирт сумын 209 иргэнээс PCR шинжилгээ авахад Арвайхээр сумаас халдварын 12 тохиолдол бүртгэгдлээ.

Тодруулбал, БОЭТ-ийн голомтын эх үүсвэртэй холбоотой зургаа, Ягаантолгой багт гарсан халдварын ойрын хавьтлаас хоёр, Нутгийн Удирдлагын Ордонд байрладаг байгууллагаас бүртгэгдсэн халдварын ойрын хавьтлаас нэг, Алтанхолбоо ресторанаас хоёр, Хужирт сумын голомтоос эх үүсвэртэй гэрийн ажиглалтад байсан нэг хүнээс тус тус халдвар илэрсэн байна.  Арвайхээр сумын хэмжээнд долоон орон сууцанд халдварын голомт үүсээд байна.

Одоогоор аймгийн БОЭТ-д 40, Хужирт сумын Тусгаарлах эмнэлэгт тав, нийт 45 хүн халдварын эмчилгээ хийлгэж байгаагаас 42 нь хөнгөн, гурав нь хүндэвтэр байгаа аж. Түргэвчилсэн оношлуураар 570 хүнийг шинжилгээнд хамруулахад 568 сөрөг, хоёр эерэг хариу гарчээ.