Улаанбаатар хотын Захирагчийн ажлын албанаас 2016-2020 онуудад 18 эмнэлгийн гадна талбайг иж бүрэн тохижуулах ажлыг хийж гүйцэтгэсэн. Тэгвэл энэ жил АШУҮИС-ийн Монгол Японы эмнэлэг, Цэргийн төв эмнэлэг болон Улсын хоёрдугаар төв эмнэлгийн гадна болон орчны тохижилтыг хийхээр төлөвлөж байна. Улсын хоёрдугаар эмнэлгийн гадна орчинд ногоон байгууламж, авто зам, явган зам, гэрэлтүүлэг хийж иж бүрэн тохижуулахаар зураг төслийг гүйцэтгэсэн.

Энэ талаар Улаанбаатар хотын Ерөнхий менежер Т.Гантөмөр “Батлагдсан зураг төслийн дагуу тус эмнэлгийн удирдлагуудтай төлөвлөлтийг дахин хэлэлцэж, шаардлагатай зарим өөрчлөлтүүдийг зургийн автортой хэлэлцлээ.

Тус эмнэлгийн гадна талбайд ажиллах үеэр эмнэлгийн хашаанд ургасан навчит моддын хэлбэржүүлэлт хийгдээгүй олон жил болсон байсан тул мэргэжлийн байгууллагад хэлбэржүүлэлтийн ажлыг хийх үүрэг даалгавар өглөө” хэмээн өөрийн албан ёсны цахим хуудаснаа мэдээлжээ.