Хөвсгөл аймагт өнгөрсөн шөнө хоёр удаагийн хүчтэй газар хөдлөлт боллоо. Тус  аймгийн Ханх сумын Хороо багийн Хачим гэдэг газар аймгийн төвөөс хойд зүгт 347 км, сумын төвөөс баруун урд зүгт 39 км газарт  дөрөвдүгээр сарын 16-ны 00 цаг 42 минутад 5.1 магнитуд, 03 цаг 46 минутад 4.2 магнитудын хүчтэй газар хөдөллөө.

Аймгийн Онцгой байдлын газраар дамжуулан тус сумын Засаг даргаас тодруулахад, тус сумын иргэдэд чичирхийлэл мэдрэгдсэн бөгөөд учирсан хохиролгүй гэж мэдээлэв.