Тэтгэлгээр суралцах оюутнуудын тоог нэмэгдүүлэх, чанаржуулах, дэмжлэг үзүүлэх зөвлөх ажиллуулах талаар санал солилцлоо

2025-08-14, 94

Боловсролын сайд П.Наранбаяр Унгар Улсаас Монгол Улсад суугаа Онц бөгөөд Бүрэн эрхт Элчин сайд Борбала Анна Обрушанский тэргүүтэй төлөөлөгчдийг хүлээн авч уулзлаа. Уулзалтаар Унгар Улсын Засгийн газрын тэтгэлгээр суралцах монгол оюутнуудын тоог нэмэгдүүлэх, чанаржуулах, тэтгэлгээр суралцаж буй оюутнуудын асуудлыг эрхлэх, дэмжлэг үзүүлэх зөвлөх ажиллуулах талаар санал солилцов.

Түүнчлэн мэргэжлийн болон техникийн боловсролын сургуулиудад түшиглэсэн ерөнхий боловсрол, сургуулийн өмнөх боловсролын байгууллагуудын тоног төхөөрөмж үйлдвэрлэх болон тоног төхөөрөмжийн бие даасан байдлыг хангах нөхцөлийг бүрдүүлэх зорилготой төслийг танилцуулж, хамтын ажиллагааны талаар санал солилцлоо.

Унгарын Элчин сайдын яамны зүгээс дээрх төслийн хүрээнд хамтран ажиллахад бэлэн байгаагаа уламжлан, хамтран ажиллах саналыг ойрын хугацаанд хүргүүлэхээр болов.

Тэтгэлгээр суралцах оюутнуудын тоог нэмэгдүүлэх, чанаржуулах, дэмжлэг үзүүлэх зөвлөх ажиллуулах талаар санал солилцлоо

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид