“Сөүлийн Батлан хамгаалахын яриа хэлэлцээ” (SDD-2025) олон улсын аюулгүй байдлын форумд Монгол Улсыг төлөөлөн УИХ-ын гишүүн, Засгийн газрын гишүүн, Батлан хамгаалахын сайд Д.Батлут оролцож байна.

Сөүлийн Батлан хамгаалахын яриа хэлэлцээ (Seoul Defense Dialogue, SDD) нь 2012 оноос эхлэн Бүгд Найрамдах Солонгос Улсын Үндэсний Батлан хамгаалах яамнаас санаачлан зохион байгуулсаар ирсэн олон улсын аюулгүй байдлын форум юм.

Форумыг нээж БНСУ-ын Батлан хамгаалахын сайд Ан Гью бэг нээж үг хэллээ. Тэрээр:
“Аюулгүй байдлын шинэ салбарууд болох хиймэл оюун ухаан (AI), сансар огторгуй, кибер орчинд технологийн дэвшлийг идэвхтэй ашиглаж, батлан хамгаалах чадавхаа бэхжүүлэхийн зэрэгцээ эдгээр чиглэлд олон улсын хэм хэмжээг тогтооход манлайлан оролцоно” хэмээн онцлов.

Энэхүү форум нь сайд, дэд сайд, өндөр түвшний батлан хамгаалахын албан тушаалтнууд, цэргийн удирдлагууд болон олон улсын байгууллагын төлөөлөгчдийг нэгтгэн, кибер аюул, зэвсгийн хяналт, терроризмтой тэмцэх, бүс нутгийн хамтын ажиллагаа зэрэг үүсэж буй аюулгүй байдлын сорилтуудыг хэлэлцдэг.

Энэ удаад “Сөүлийн Батлан хамгаалахын яриа хэлэлцээ 2025” нь НҮБ-ын командлалын 75 жилийн ойг тэмдэглэн өнгөрүүлэх арга хэмжээний хүрээнд хамтран зохион байгуулагдаж буйгаар онцлог болж байна. Ингэснээр олон улсын аюулгүй байдлын хамтын ажиллагааг бэхжүүлэх, түүхэн ач холбогдолтой үйл явдал боллоо.

Монгол улс Сөүлийн Батлан хамгаалахын яриа хэлэлцээд идэвхтэй оролцдог бөгөөд батлан хамгаалахын сайд болон бусад өндөр албан тушаалтнуудын түвшинд төлөөлөгчдийг илгээдэг. Энэ нь Монголын гадаад бодлогын хүрээнд олон улсын аюулгүй байдлын асуудалд идэвхтэй оролцох, бүс нутгийн хамтын ажиллагааг бэхжүүлэх чухал ач холбогдолтой юм.

Форумд дэлхийн 68 орны 1000 орчим төлөөлөгч оролцож байна.