• Өнөөдөр 2025-12-18

"ЭРДЭНЭС ТАВАНТОЛГОЙ" ХК НҮҮРС БАЯЖУУЛАХ ҮЙЛДВЭРЭЭС ГАРЧ БУЙ ХАЯГДАЛ НҮҮРСИЙГ ДАХИН БОЛОВСРУУЛНА

“Эрдэнэс Тавантолгой” ХК-ийн Нүүрс баяжуулах үйлдвэрээс гарч буй хаягдал нүүрсийг дахин боловсруулж нэмүү өртөг шингэсэн бүтээгдэхүүн үйлдвэрлэх ажлыг эхлүүлж “Эрдэнэс Тавантолгой” ХК, “Эрдэнэс ҮТП” ХХК-тай хамтран ажиллах санамж бичигт гарын үсэг зурлаа. Нүүрс баяжуулах үйлдвэр жилд 10 сая тонн нүүрс баяжуулахад ойролцоогоор 1 сая тонн хаягдал нүүрс гарна. Энэхүү хаягдал нүүрсийг дахин боловсруулснаар 200-300 мянган тонн баяжуулсан нүүрс гарах боломжтойг “Эрдэнэс ҮТП” ХХК Шинжлэх ухаан технологийн их сургуулийн эрдэмтдийн багтай хамтарсан туршилтаар баталгаажуулжээ. Туршилтын үр дүнд үндэслэн хаягдал нүүрс дахин боловсруулах үйлдвэр барихаар ТЭЗҮ боловсруулж 2026 онд ашиглалтад оруулахаар тооцоолсон байна.

Дахин боловсруулах үйлдвэр ашиглалтад орсноор “Эрдэнэс Тавантолгой” ХК хаягдлаа нэмүү өртөг шингэсэн бүтээгдэхүүн болгож, хаягдалгүй эдийн засагтай уул уурхайн компани болох юм. 


"ЭРДЭНЭС ТАВАНТОЛГОЙ" ХК НҮҮРС БАЯЖУУЛАХ ҮЙЛДВЭРЭЭС ГАРЧ БУЙ ХАЯГДАЛ НҮҮРСИЙГ ДАХИН БОЛОВСРУУЛНА
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188