Н.БУЛГАМАА: ХОХИРОГЧИЙН ХҮҮ НЬ “ААВЫГ ГЯНДАНД БИТГИЙ ЯВУУЛААЧ” ГЭЖ НАДААС ГУЙСАН

2025-09-17, 380

Хохирогчийн өмгөөлөгч Н.Булгамаа сэтгүүлчдэд мэдээлэл өглөө. Тэрбээр “Шүүх хурлыг шүүгдэгчийн талаас хаалттай явуулах хүсэлт гаргасан. Тодорхой хэсгийг хаалттай явуулахаар хохирогчийн хууль ёсны өмгөөлөгчийн хувьд амь хохирогч гэрлэлтээ цуцлуулахаар Хан-Уул дүүргийн шүүхэд хандсан байсан. Тэр үед эвлэрэх хугацаа нь дуусаад Иргэний хэрэг үүсээд хэдхэн хонож байсан. Иргэний хэрэг дээр ажиллаж байсан өмгөөлөгч нь өнөөдрийн шүүх хуралд оролцож байгаа. Амь хохирогч, шүүгдэгчээс гадна гурван хүүхдийн нэр төр, алдар хүндийн асуудал хөндөгдөж байгаа юм. Шүүх хурал завсарлах үеэр том хүүгийнх нь хэлсэн үгийг дамжуулахад хэцүү байна. Хүү нь “Би тэр хүнийг аав гэж хэлмээргүй байна. Гэхдээ намайг энэ хорвоод мэндлүүлсэн. Уур омог, хардалтаас болж өөрийгөө удирдах чадваргүй болоод ээжийг минь хөнөөсөн ч гэсэн хоёр жаахан дүүгийнхээ аавыг гянданд явуулж чадахгүй байна. Үүнийгээ би хэлж чадахгүй байна” гэдгийг надад хэлсэн. Эцэг, эхчүүдээ үр хүүхдүүдээ битгий ингэж тамлан зовоогооч гэдгээс өөр хэлэх юм алга. Шүүх хурал нотлох баримт шинжлэн судлах процессыг хаалттай явуулж байгаа. Яагаад гэвэл хэргийн газар болон амь хохирогчийн биед хийсэн үзлэг гэх мэт нотлох баримтуудын асуудал хөндөгдөнө. Бид гэм буруугийн шүүх хурал эхлэхийн өмнө амь хохирогчийн гар утсанд байсан чат бүхий баримтыг шүүхэд өгсөн. Гэтэл өнөөдөр тэрхүү чатыг нотлох баримтын шаардлага хангаагүй гээд мөрдөн шалгах ажиллагааны явцад нотлох баримтаар тооцсонгүй” гэв.

Н.БУЛГАМАА: ХОХИРОГЧИЙН ХҮҮ НЬ “ААВЫГ ГЯНДАНД БИТГИЙ ЯВУУЛААЧ” ГЭЖ НАДААС ГУЙСАН

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.