УИХ-ын гишүүн О.Алтангэрэл цаг үеийн асуудлаар мэдээлэл өглөө.

Тэрбээр “Гэмт хэрэг үйлдэхэд хамтран оролцсон байж болзошгүй этгээдүүдийг дахин шалга гэж шүүхээс хэргийг буцаасан байна гэж ойлгосон. Энэ нь гэмт хэрэгт хамтран оролцсон байж болзошгүй үйлдэл байна, үүнийг шалга гэж байгаа хэрэг. Хуулийн дагуу өмнөөлөгч томилогдоод явж байгаа. Хүний амь насыг онц хэрцгийгээр хөнөөсөн, нотлох баримт хангалттай байгаа. Иргэний амь  хохирсон хэргийг түргэн шийдэхэд анхаарах хэрэгтэй. Хууль зүйн хувьд нэгт ял завшуулахгүй, хоёрт хүн хэлмэгдүүлэхгүй байх хэрэгтэй. Эрх мэдэл, нийгэмд нөлөөтэй хүмүүсийн холбогдсон хэрэг замхарч дуусдаг. Жирийн иргэн, өөрийгөө өмгөөлөх чадваргүй, амьдралын боломж тааруу хүний холбогдсон хэрэг тун хурдан шийдэгддэг. Хохирогч тал нь бол нэмж хохироод дуусдаг асуудлыг шийдэх хэрэгтэй” гэв.