Танхимаар болон цахим орчинд үйл ажиллагаа явуулж буй математикийн сургалтын төвүүдийн талаарх сурвалжлагын хүрээнд таван өөр сургалтын төвийн сургалтын төлбөр, арга барил, онцлогийг харьцуулан хүргэж байна.

Temur Chogsom Institute

4–12-р ангийнханд зориулан математик, англи хэлний сургалт явуулдаг. Хүүхэд бүрийн онцлогт тохирсон сургалтын арга барил, 10 хүүхдээс хэтрэхгүй жижиг анги, Кэмбриж болон Монголын сургуулийн шалгалтад бэлтгэх боломжтой. Мөн Швейцар зөвлөхтэй гэдгээрээ онцлог бөгөөд сургалт 7 хоногт 3 удаа явагдана.

Байршил: Танан төв, 406 тоот

Утас: 99014214, 88013411

Hypatia сургалтын төв

Hypatia математикийн сургалтын төв нь нэг ангид тавхан сурагчтайгаар хагас ганцаарчилсан сургалт явуулдаг. Сарын төлбөр 350,000 төгрөг бөгөөд гурван сарын багц сургалт 850,000 төгрөг, жилийн төлбөр 2 сая төгрөг байна. Долоо хоногт гурван удаа, нэг удаагийн хичээл 90 минут үргэлжилнэ.

Их Дэм Математик төв

Математикийн мэдлэгээ бататгах, хоцрогдлоо арилгах, шалгалтад бэлтгэх зорилгыг тавьдаг бөгөөд бодлого бодох ур чадвараас эхлээд алгебр, геометрийн гүнзгий ойлголт, Cambridge болон дотоодын сургуулиудын шалгалтад бэлтгэл зэрэг өргөн хүрээг хамардаг. Сарын төлбөр 300,000 төгрөг, жилийн төлбөр 2.7 сая төгрөг бөгөөд долоо хоногт гурван удаа, 120 минутын сургалт орно.

Байршил: Архитекторын ордон, 903 тоот

Утас: 90422448

Ричмоунт Боловсролын Төв

Дунд болон ахлах ангийн сурагчдыг олимпиад, тэмцээн, ЭЕШ-д бэлтгэдэг тус төв бүхэл жилийн сургалт санал болгодог байна. Долоо хоногт гурван удаа хичээллэх бөгөөд өглөө, өдөр, оройн гурван өөр цагийн сонголттой. Сурагчдаас түвшин тогтоох шалгалт авч хүүхэдтэй тулж ажилдагаараа онцлогтой.

S.A.T Математикийн онлайн сургалт

Энэхүү онлайн сургалт нь 6–12-р ангийн сурагчдад чиглэсэн бөгөөд хоцрогдол арилгах, түвшин ахиулах, IGCSE, SAT, Cambridge-ийн checkpoint, A/AS Level зэрэг олон улсын хөтөлбөрүүдийг хамардаг. Skype ашиглан 100 хувь амьд харилцаатай хичээллэх ба нэг удаагийн оролт 60 минут үргэлжилдэг. Давтан үзэх боломжтой бөгөөд сурагчид математикт англи нэр томьёогоор суралцаж, шалгалтын арга техник эзэмшинэ.

Утас: 91002016