О.ЦОГТГЭРЭЛ: Ардчилсан нам улс төрийн систем болж чадахгүй байна. Олон өөр зүйл угсарчихсан автомашин шиг л байгаа

2025-08-29, 255

АН-ын даргын сонгуультай холбогдуулан УИХ-ын гишүүн О.Цогтгэрэл мэдээлэл хийлээ.

Тэрбээр “Ардчилсан намын даргын ээлжит сонгуулийн бүртгэлийн ажил эхэлсэн. Миний хувьд журмын нөхөдтэйгөө ярилцаад АН-ын даргыг сонгууль нэрээ дэвшүүлж, сонгууль зохион байгуулах хороонд өргөдөл, материал, мөрийн хөтөлбөрийг танилцууллаа. АН-ын даргад нэрээ дэвшихэд тодорхой шалгуур, шаардлага бий. Би АН-ын гишүүн болоод 25 жил болж байна. Ардчилсан намын ҮБХ-ны гишүүнээр элсээд 10 жил, Ардчилсан намын Улс төрийн зөвлөлийн гишүүнээр сонгогдоод найман жил болсон. Мөн сүүлийн хоёр парламентад АН-ын бүлгийн даргаар ажиллаж байна. Мөн 10 жилийн өмнө дунд шатны аймгийн намын даргаар ажиллаж байсан. Намын нөхөдтэйгөө хэлэлцээд “Шинэ Монголоо цуг бүтээнэ” цуг хийнэ, АН-аа шинэчлэх ёстой, Монгол Улсын хөгжил дэвшил, асуудал гээд бүх л салбарт шинэчлэл өөрчлөлт хийгдэх шаардлагатай. Үүнийг АН л хийж чадна гэдэгт би эргэлздэггүй. Монгол Улсад тулгамдсан асуудлыг эрэмбэлбэл олон бий. Үүний эхэнд ядуурал байгаа, гурван хүн тутмын нэг нь ядуу байна. Энэ ядуурлын цаана ардчилсан тогтолцоо эмзэг байна. Ардчилсан нам улс төрийн систем болж чадахгүй болж чадахгүй байгаад байна. Автомашинаар бол олон төрлийн зүйл угсарчихсан машин шиг л байна. Том жижиг дугуйтай, барууны мотор, социализмын үеийн кабинтай. Энэ бүхнийг өөрчилж, өнгө төрхөө тодотгож гаргах шаардлагатай” гэв.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.