Онцгой байдлын ерөнхий газар Японы Улсын Олон улсын хамтын ажиллагааны байгууллага ЖАЙКА-тай хамтран хэрэгжүүлж буй “Монгол Улсын газар хөдлөлтийн гамшгаас хамгаалах чадавхыг бэхжүүлэх” төслийн хүрээнд сургалтын шинэ арга хэрэглэж эхэллээ.

Гамшгаас хамгаалах сургалт, аргазүйн төв-116 дугаар анги болон Дархан-Уул, Орхон аймгийн Онцгой байдлын газрын сургалтын төвүүдэд Virtual reality (VR) төхөөрөмж хүлээлгэн өгч, сургалт дадлагад ашиглаж байна.

VR сургалтаар иргэд, сурагчид гэртээ, сургууль дээр, гадаа орчинд газар хөдлөлт болсон үед тулгарах эрсдэлийг хиймэл орчинд мэдэрч, хэрхэн зөв арга хэмжээ авах мэдлэг, чадварт суралцана.