Apple компани жил бүр уламжлал болгон зохион байгуулдаг хамгийн том арга хэмжээ есдүгээр сарын 9-нд Калифорнийн Купертино дахь Apple Park-ийн Steve Jobs Theater-т болно. Энэ удаагийн арга хэмжээ “Awe Dropping” нэртэйгээр хэрэглэгчдийн өмнө нээлтээ хийх юм. Apple-ийн мэдээлснээр шинээр гарах iPhone 17 нь өнгөрсөн жилийн iPhone 16-тай адилхан загвартай ч илүү том дэлгэц болон сайжруулсан камерын системээрээ ялгарах аж.

Энэ удаагийн гол анхаарлын төвд iPhone 17 Air байна. Зузаан нь ердөө 5.5 мм бөгөөд Apple-ийн түүхэнд гарч буй хамгийн нимгэн iPhone болох юм. Загварын хувьд илүү хөнгөн, дэгжин шийдэлтэйгээр танилцуулагдана.

Дараагийн шинэчлэлүүд:

• 2026 онд Apple компани анхны эвхэгддэг iPhone-оо зах зээлд гаргахаар бэлтгэж байгаа бөгөөд энэ нь Samsung-ийн fold загвартай өрсөлдөх гол бүтээгдэхүүн болох төлөвтэй.
• 2027 онд iPhone-ын 20 жилийн ой тохионо. Тухайн үед Apple бүрэн шинэ “Curve” дэлгэцтэй iPhone 20-ийг танилцуулах бөгөөд өнөөгийн дөрвөлжин хавтгай хийцээс огт өөр шийдэлтэй байх юм.