Г.Дамдинням: Монгол-Солонгосын аж үйлдвэрийн салбарын хамтын ажиллагааг өргөжүүлнэ

2025-08-22, 360

Аж үйлдвэр, эрдэс баялгийн сайд Г.Дамдинням БНСУ-аас Монгол Улсад суух Онц бөгөөд Бүрэн эрхт Элчин сайд Чой Жин Вонтой уулзлаа.

Уулзалтаар талууд хоёр орны найрсаг харилцааг бэхжүүлэх, цаашид аж үйлдвэр, эрдэс баялгийн салбар дахь хамтын ажиллагааг өргөжүүлэхэд санал нэгдлээ.

Сайд Г.Дамдинням Монгол, Солонгосын хамтын ажиллагаа өргөжиж, ховор металлын судалгааны төвийн ажил 90 хувьтай урагшилж байгааг онцоллоо. Тэрбээр Эрдэнэтийн уурхайг түшиглэн баригдах зэс хайлуулах үйлдвэрийн олон улсын тендерт Солонгосын компаниуд оролцоно хэмээн найдаж байгаагаа хэлсэн бөгөөд Дарханы төмрийн ордыг түшиглэн барих гангийн үйлдвэрийн ТЭЗҮ удахгүй эхлэхийг хэллээ. Элчин сайд Чой Жин Вон Монгол Улс олборлогчоос боловсруулагч орон болох зорилтыг дэмжиж, аж үйлдвэрийн төслүүдийг Солонгосын бизнесийн хүрээнд танилцуулахад бүх талаар хамтран ажиллахаа илэрхийллээ.

Г.Дамдинням: Монгол-Солонгосын аж үйлдвэрийн салбарын хамтын ажиллагааг өргөжүүлнэ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид