• Өнөөдөр 2025-08-22

“THE MONGOLZ” ДЭЛХИЙН ЦОМЫН ХАГАС ШИГШЭЭД ШАЛГАРЛАА

2025-08-22,   168

Саудын Арабын Эр-Рияд хотноо болж буй “Counter-Strike 2” тоглоомын Дэлхийн цомын тэмцээнд Монголын “The MongolZ” баг амжилттай тоглож, хагас шигшээ шатанд шалгарлаа.

Энэхүү 1.250.000 ам.долларын шагналын сантай тэмцээнд дэлхийн шилдэг 16 баг өрсөлдөж байгаа билээ. “The MongolZ” багийнхан наймдугаар сарын 20-нд Германы “GamerLegion”-ийг 2:0-ээр буулган авч, эхний том даваагаа амжилттай давсан. Улмаар өнгөрсөн 21-ний өдөр Францын “3DMAX” багийг 2:1-ээр илүүрхэн ялж, хагас шигшээд шалгарсан.

Ингэснээр “The MongolZ” багийнхан хагас шигшээ шатанд дэлхийн шилдэг багуудын нэг болох Францын “Vitality”-тай дахин тулгарахаар боллоо. Энэ тоглолтын үр дүнгээр монгол залуус ялалт байгуулбал аваргын төлөө финалд өрсөлдөх бол, ялагдвал хүрэл медалийн төлөө тоглох эрхтэй болно.

Монголын цахим спортын түүхэнд тод мөр үлдээж буй “The MongolZ” багийн энэ амжилт нь эх орныхоо нэрийг дэлхийн тавцанд цуурайтуулсан томоохон үйл явдал болж байна.

 


“THE MONGOLZ” ДЭЛХИЙН ЦОМЫН ХАГАС ШИГШЭЭД ШАЛГАРЛАА
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.