Нийслэлийн цэцэрлэгт хамрагдах хүсэлтийг 2025 оны наймдугаар сарын 4-нөөс 18-ны хооронд "E-Mongolia" платформоор хүлээн авсан билээ.

Эцэг, эхчүүдийн илгээсэн хүсэлтийн хариу өнөөдөр, 2025 оны наймдугаар сарын 22-нд олон нийтэд нээлттэй болж байна. Үр дүнг E-Mongolia системд нэвтэрч шалгах боломжтой бөгөөд бүртгүүлсэн гар утасны дугаар руу мессежээр мэдэгдэл очих юм.

Хуваарилагдсан цэцэрлэгт хүүхдээ хамруулах эцэг, эхчүүд цахимаар болон биеэр очиж гэрээ байгуулах шаардлагатай гэж Нийслэлийн боловсролын газраас мэдээллээ.