Улаанбаатар хотын Захирагчийн ажлын алба 2025 оны наймдугаар сарын 1-16-ны хооронд нийслэлийн 161 га нийтийн эзэмшлийн гудамж, талбайд үүссэн нийт 2560 тонн хог хаягдлыг цэвэрлэж, тээвэрлэсэн байна.

Цэвэрлэгээний ажил дараах байршлуудад хийгджээ.

Сонгинохайрхан дүүргийн 32 дугаар хороо, Эмээлт аж үйлдвэрийн парк орчимд - 150 га

Хан-Уул дүүргийн 12 дугаар хороо, Морингийн давааны төвлөрсөн хогийн цэг орчимд - 6 га

Баянзүрх дүүргийн 24 дүгээр хороо, Цагаан давааны төвлөрсөн хогийн цэгийн орчимд - 5 га

Эдгээр талбайд үүссэн ил задгай болон хур хог хаягдлыг цэвэрлэж, тээвэрлэх ажлыг зохион байгуулжээ.