Өнөөдөр ашиглалтын шаардлага хангахгүй нийтийн зориулалттай орон сууцны барилгыг буулган, шинээр дахин барих төслийн хэрэгжүүлэгч компаниудыг албан ёсоор батламжилж “Улаанбаатар орон сууцжуулалт” ХХК-иас БАТЛАМЖ гардууллаа.

Тодруулбал, Сүхбаатар дүүргийн зургадугаар хорооны ашиглалтын шаардлага хангахгүй 21 дүгээр орон сууцны барилгын төслийн хэрэгжүүлэгчээр “Тод Сүндрэл” ХХК шалгарсан бол Баянзүрх дүүргийн 19 дүгээр хорооны ашиглалтын шаардлага хангахгүй тавдугаар нийтийн зориулалттай орон сууцны барилгын төслийн хэрэгжүүлэгчээр “Такай Хөгжил Констракшн” ХХК тус тус шалгарсан юм.

Төсөл хэрэгжүүлэгчээр шалгарсан барилгын компаниудын тухайд туршлагатай, боловсон хүчин сайтай, энэхүү “гацсан” төслүүдийг хурдтай, чанартай гүйцэтгэх болно гэдгээ онцолж байлаа.