Хан-Уул дүүргийн хоёрдугаар хорооны нутаг дэвсгэр, хуучин цагаан хаалганы уулзвараас 19 дүгээр хорооллын гэрлэн дохиотой уулзвар хүртэлх авто замыг засварлах, шинэчлэх ажил 2025 оны наймдугаар сарын 8-ны өдрөөс эхэлж, үргэлжилж байна.

Зам засварын улмаас тус хэсгийн авто замын хөдөлгөөн бүрэн хаагдсан тул Нисэх болон Яармаг орчимд их хэмжээний хөдөлгөөний түгжрэл үүсээд байна. Баруун талаас ирж буй урсгалыг Нарны гүүрийн чиглэл рүү эргүүлэх зохицуулалт хийгдэж байгаа тул жолооч та бүхэн онцын шаардлагагүй бол уг чиглэлд тээврийн хэрэгслээр зорчихгүй байхыг анхаарна уу.

Иргэд, жолооч нарт түр тэвчээртэй байхыг уриалж, хөдөлгөөний шинэ зохицуулалтыг дагаж мөрдөхийг зөвлөж байна.