Халдварт өвчин судлалын үндэсний төвөөс мэдээлснээр 2025 оны наймдугаар сарын 7-ны байдлаар улаанбурхан өвчний батлагдсан тохиолдол 13.171-д хүрсэн байна. Одоогоор эмнэлэгт хэвтэн эмчлүүлж буй хүн 57 бөгөөд үүний найм нь хөнгөн, 48 нь дунд, нэг хүнд хэлбэртэй байна. Нийт өвчлөгсдийн 13,066 нь эдгэрсэн бол арван хүн нас барсан бөгөөд хавьтал болсон хүний тоо 96.710-д хүрээд байна.

Насны бүлгээр авч үзвэл:

0-4 насны хүүхэд 2.928

5-9 насны хүүхэд 1.698

10-14 насны хүүхэд 4.994 хүн өвчилжээ.

Улаанбурхан нь халдварлах чадвар өндөртэй ч вакцинаар бүрэн сэргийлэх боломжтой өвчин юм. Иргэд, ялангуяа хүүхдүүдийг ес нь сартай, хоёр настайд хоёр тун вакцинд заавал хамрагдахыг эмч, албаныхан уриалж байна.

Вакцины хугацаа алдагдсан тохиолдолд ойр байрлах өрхийн эмнэлэг, сумын эмнэлэг, дүүргийн эрүүл мэндийн төвүүдэд хандаж вакцин хийлгэх боломжтой.