Гуравдугаар цахилгаан станцад дахин дэлбэрэлт болсон гэх мэдээлэлтэй холбогдуулан ДЦС-3 ТӨХК-д  хяналт тавих Засгийн газрын БЭТ Н.Тавинбэх мэдээлэл өглөө.

Тэрбээр “Олон хүнтэй, тасралтгүй үйл ажиллагаатай, нарийн технологитой насжилтай  станц учраас техник технологийн асуудал гардаг. Ийм саатал наймдугаар сарын 1-нд гарсан. Энэ саатал анх удаа гарч байгаа асуудал биш өмнө гарч байсан. Энэ асуудыг онцгой дэглэм тогтоосон, сэргээн босголтын ажил идэвхтэй явагдаж байгаа үед сенсац болгож байгаа нь харамсалтай. Дотроосоо мэдээлэл гаргаж байгаа нь туйлын зохимжгүй хэрэг. Гарсан гэмтлийн засварын ажил эхэлсэн. Засварын ажил долоо хоног үргэлжилнэ. Гэмтсэн зуух ашиглалтад ороод 50 гаруй жил болсон насжилтай зуух. Сүүлийн ачааллын үед ийм төрлийн гэмтэл 15 удаа гарч байсан. Тухай бүрд нь бид засварлаад хэвийн ажиллагаанд оруулж байсан” гэв.