Улаанбурхан өвчний нийт батлагдсан тохиолдол наймдугаар сарын 6-ны байдлаар 13,157-д хүрсэн тухай Эрүүл мэндийн байгууллагаас мэдээллээ.

Одоогоор эдгэрсэн 13.047, гэрээр эмчлүүлж буй 42, нас барсан: 10, эмнэлэгт хэвтэн эмчлүүлж буй 58 хүн байна. Үүнээс:

Хөнгөн - 8

Дунд - 48

Хүнд - 2 тохиолдол бүртгэгджээ.

Мөн өвчтөнтэй ойр байсан буюу хавьтагчдын тоо 96.710-д хүрээд байна.

Насны бүлгээр авч үзвэл хамгийн өндөр өвчлөл:

10-14 насны хүүхдүүд – 4.994 тохиолдол

0-4 насны хүүхдүүд – 2.928 тохиолдол

5-9 насны хүүхдүүд – 1.698 тохиолдол бүртгэгджээ.

Эмч мэргэжилтнүүдийн онцолж буйгаар улаанбурхан нь халдварлах чадвар өндөртэй ч хоёр тунт вакцинд хамрагдсанаар бүрэн сэргийлэх боломжтой өвчин юм. Тиймээс дархлаажуулалтад идэвхтэй хамрагдаж, хүүхдүүдийн вакцины түүхийг нягтлахыг албаныхан иргэдэд уриалж байна.