Дуучин Б.Бат-Энэрэл хоёрдугаар сарын 17- нд Талархал нэртээ тоглолтоо хийсэн. Энэ үеэр түүнд Соёлын тэргүүний ажилтан гэх цол тэмдэг гардуулж өгсөн гэх мэдээлэл гараад буй.

Улмаар төрийн шагналыг хүүхдэд олгосон гэх шүүмжлэл олны дунд өрнөсөн. Тэгвэл энэ талаар Соёлын яамны хэвлэл мэдээллийн ажилтнаас тодруулахад "Манай яамнаас Б.Бат-Энэрэлд албан ёсоор Соёлын тэргүүний ажилтан гэх цол тэмдэг, гэрчилгээ гардуулаагүй. Өнгөрсөн тав дахь өдөр шагналын талаар яриа гарахад "Манай шагналын хэлтэст тодорхойлолтоо гаргаж өгөөрэй" гэж хэлсэн. Түүнээс биш албан ёсоор гэрчилгээ тамга тэмдэг гаргаад өгчихсөн зүйлгүй. Харин ямар тэмдэг гардуулсныг нь зохион байгуулагч нараас нь асуух нь зүйтэй болов уу. Соёлын тэргүүний ажилтан цол тэмдэг Соёлын сайдын гарын үсэгтэй гардаг. Гэхдээ Б.Бат-Энэрэлд гарын үсэгтэй гэрчилгээ, тэмдэг олгосон зүйлгүй" гэлээ.