Хүн хутгалж, биед нь хүнд гэмтэл учруулсан байж болзошгүй этгээдийг баривчилжээ

2024-02-19, 1440

Цагдаагийн байгууллагад 2024 оны хоёрдугаар сарын 15-ны орой Сэлэнгэ аймгийн нутаг дэвсгэрт “Орон сууцны орцонд хутгалуулсан хүн байна” гэх дуудлага, мэдээлэл бүртгэгдсэн. Дуудлага, мэдээллийн дагуу тус аймгийн цагдаагийн газрын алба хаагчид эрэн сурвалжлах хойшлуулшгүй ажиллагаа явуулж, хохирогчийг хутгалж биед нь хүнд гэмтэл учруулсан байж болзошгүй этгээдийг илрүүлж, баривчилжээ. Энэ гэр бүл хоорондох хэрэг, зөрчил бүртгэгдсээр байна. Иймд иргэдэд цагдаагийн газраас дараах сэрэмжлүүлгийг хүргэж байгаа аж.

Гэр бүл гэдэг нь нэг зорилго, нэг сэтгэлтэй бие биеэ байгаагаар нь хүлээн зөвшөөрдөг, алдсан бол уучилдаг, гэр бүл, үр хүүхдийнхээ төлөө бие сэтгэлээ зориулсан иргэдийн хамгийн жижиг нэгдэл бөгөөд энэ нэгдлээс нийгэм бүрдэнэ.

1.Хараахан гэр бүлээ зохиож амжаагүй залуучууд Та бүхэн бусадтай гэр бүлийн харилцаа үүсгэж, гэр бүл зохиохоор төлөвлөж байгаа бол удам судрын судал, зан ааш, дотоод бодол сэтгэхүйг нь судал, таныг байгаа байдлаар чинь ойлгож, хүлээн зөвшөөрдөг, өчүүхэн жижиг зүйлээр шалтаглаж хардаж сэрдэж зовоодоггүй тийм хүнээ олтол тэвчээртэй бай, битгий яар, эхлээд өөрөө төлөвш.

2.Гэр бүлтэй иргэн танд зөвлөхөд нэгэнт хань ижил, гэр бүл, үр хүүхэдтэй бол нэгнээ хардаж, сэрдэж зовоохоо боль, байгаа зүйлдээ таларх, таны хамгийн чухал үнэт зүйл бол таны гэр бүл чинь шүү дээ. Тэртэй, тэргүй та хоёр өөр өөр гэр бүлээс нэгдэн нийлж энэхүү гэр бүлээ зохиож байгаа тул нэгнийхээ өөр сонирхол, хүсэл мөрөөдлийг хүндэтгэж, хань ижлээ байгаагаар нь хайрла, таны эхнэр, нөхөр таны хувийн өмч, эд зүйл биш, өөрийн гэсэн бодол, хүсэл мөрөөдөлтэй иргэн хүн шүү дээ. Өөртэй итгэл, өчүүхэн бодол чинь томорсоор бүхэл бүтэн гэр бүлээ салж сарниулах хүчирхийлэл болон хувирч болзошгүй байгааг анхаар. Үүнээс хэн хохирох вэ таны үр удам болсон үр хүүхэд чинь хохирно, ирээдүйд өөрийн гэр бүлээ зохиох үр хүүхэд чинь хайр, халамжаар дутуу өснө гэдгийг ойлгож, ухаарч хүчирхийлэл үйлдэлгүй амьдар.

Хүн хутгалж, биед нь хүнд гэмтэл учруулсан байж болзошгүй этгээдийг баривчилжээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.