Ховд аймгийн Алтай сумын Барлаг багийн Хөх дэл хэмээх газар хоёрдугаар сарын 16-ны 20:00 цагийн орчимд малчин М, О нар гэрлүүгээ малаа тууж яваад сураггүй болжээ. Тус дуудлагыг хоёрдугаар сарын 17-ны 23:00 цагт Онцгой байдлын байгууллага хүлээн авсан байна. Улмаар тус аймгийн Онцгой байдлын газрын Булган сум дахь Онцгой байдлын хэлтсийн Гал түймэр унтраах, аврах 38 дугаар ангийн алба хаагчид, сумын мэргэжлийн ангийнхан, ар гэрийнхэн нь хоёр малчныг эрэн хайх ажиллагааг хоёрдугаар сарын 18-ны өдрийн 00:00 цагт эхлүүлжээ. Тус өдрийн 10:40 цагт малчин М 53 настай эрэгтэйг гэрээс нь есөн км зайнаас эсэн мэнд олсон байна. Харин түүний эхнэр О 50 настай эмэгтэйн цогцсыг мөн өдрийн 19:40 цагт гэрээс нь зүүн урд зүгт таван км зайнаас олж, Булган сум дахь Цагдаагийн хэлтсийн цагдаад шилжүүлэн өгчээ.