Мандалговь-Даланзадгад чиглэлийн замд өнгөрсөн шөнө зам тээврийн ноцтой осол гарч дөрвөн хүний амь нас хохирсон. Мөн тус чиглэлийн замд байгалийн давагдашгүй хүчин зүйлийн нөлөөгөөр цас мөс хунгарлаж, халтиргаа гулгаа нэмэгдэн зорчих хэсэгт аюултай нөхцөл байдал үүссэн билээ.

           Авто замын хоёр компани техниктэйгээ, "Эрдэнэс Тавантолгой" ХК машин механизмаа, аймгаас Онцгой байдлын газрын 4 техник 11 алба хаагч, Гурвансайхан нисэх буудлын нэг техник хоёр алба хаагч зэрэг бүрэлдэхүүнтэй баг нэмэлтээр замын зорчих хэсгийн мөстсөн хэсгийг аюулгүй болгох, замын нөхцөл хүндэрсэн осол аваар гарч байгаа хэсгүүд дээр өнөөдөр ажиллана.

    Тэгвэл Мандалговь-Даланзадгад чиглэлийн авто замын нөхцөл байдал болон Аймаг, сумын онцгой комисс шуурхай штабын зүгээс авч хэрэгжүүлж байгаа ажлын талаар удахгүй мэдээлнэ гэлээ.