Засгийн газар өнөөдөр цаг агаарын нөхцөл байдалтай холбоотойгоор ээлжит бусаар хуралдав. Ээлжит бус хуралдаанаас гарсан шийдвэр, нөхцөл байдлын талаар УОК-ийн нарийн бичгийн дарга б.баярхүү мэдээлэл өглөө.

           Тэрбээр “Улсын онцгой комисс энэ сарын 14-ны өдөр хуралдаад малын хорогдлын тоог 508 мянга гэж тодорхойлсон. Харин өгчидрийн буюу энэ сарын 15-ны байдлаар 608 мянга болж нэмэгдсэн байна. Ер нь ойрын өдрүүдэд баруун аймгуудын нутгаар цаг агаарын нөхцөл байдал хүндэрч байгаатай холбоотойгоор зам, даваа хаагдаж байна. Өнөөдрийн байдлаар Ховд аймгаас Булган чиглэлийн автозам хаагдсан. Мөн Баян-Өлгий аймгийн Цагаан нуур, улсын хил чиглэлийн автозам хаагдаад байна. Тиймээс Зам тээврийн яам, зам хариуцсан компани зам гаргах ажлыг зохион байгуулж байна. Өнөө  шөнө төвийн аймгуудын бүс нутгаар цас орж, аюулт үзэгдлийн хэмжээнд хүрч шуурах төлөвтэй байна. Одоо гаргасан байгаа зам даваанууд хаагдах магадлалтай байгаа. Үндсэндээ бол цасан шуурганы дараа зам давааг нээх, айл өрхүүд рүү өвс, тэжээл хүргэх ажлууд эхлэнэ” гэв.