Автомашины улсын дугаарын тэгш, сондгойгоор хөдөлгөөнд оролцуулах дугаарын хязгаарлалтыг сунгах эсэх талаар Нийслэлийн Засаг даргын орлогч П.Сайнзориг мэдээлэл өглөө.

          Тэрбээр “Олон нийтээс санал авч шийдвэрлэлээ. Сүүлийн гурван хоногт санал авч өнөөдөр шийдвэрээ гаргалаа. Тэгш, сондгой тоогоор автомашины хязгаарлалтын үргэлжлүүлэх шаардлагагүй гэсэн санал ирсэн. Өнөөдрөөс тэгш, сондгойгоор явах дугаарын хязгаарлалт дуусна. Хоёрдугаар сарын 1-нээс хуучин дугаарын хязгаарлалт үргэлжлэн. Дугаарын тэгш, сондгойгоор замын хөдөлгөөнд оролцуулж байх үед 250 мянга гаруй тээврийн хэрэгсэл хөдөлгөөнд оролцсон. Амралтын өдрүүдэд 400 мянга гаруй тээврийн хэрэгсэл хөдөлгөөнд оролцсон. Дугаарын хязгаарлалт зогссоноос үүдэн түгжрэл үүсэх эрсдэлтэй.  Зогсолт үүсэх эрсдэлтэй. Давс, элс, бодисыг хангалттай цацаж байгаа” гэв.