Хөх луу жилийн сар шинийн баярт зориулсан Булган аймгийн уугуул, Үндэсний бөхийн таван аварга болох Даншгийн их аварга Ш.Намхай, Ш.Лувсанжамбаа, Далай даян, Дархан аварга Б.Түвдэндорж, Даян аварга С.Цэрэн, Х.Цэрэнпил нарын нэрэмжит барилдаан боллоо.

       Энэ барилдаанд 128 бөх хүч үзэж,  Ховд аймгийн Буянт сумын харьяат уугуул, улсын аварга О.Хангай түрүүлж, улсын начин Д.Амарсайхан үзүүрлэлээ. Мөн энэ барилдаанд аймгийн арслан 11, аймаг, цэргийн заан дөрөв, аймгийн харцага дөрөв, аймгийн начин ес, улсын цолтой 11 бөх зодоглосон юм.