Их Монгол, Дүнжингарав худалдааны төвийн Авто замын уулзварт гарсан ослын улмаас түлэгдэж ГССҮТ-ийн эрчимт эмчилгээний тасагт хүргэгдэн эмчлүүлж байсан гурван иргэний нэг энэ сарын 26-27 нд шилжих амиа алдсан тухай ГССҮТ-өөс мэдээллээ. Осол гарсан шөнө ГССҮТ-д 14 иргэн, Цэргийн төв эмнэлэгт хоёр иргэн, БЗД-ийн нэгдсэн эмнэлэгт хоёр иргэн, ЭХЭМҮТ-д гурван хүүхэд тус тус хүргэгдэн шаардлагатай эмчилгээ, үйлчилгээ авсан.  ГССҮТ-ийн салбар эмнэлэгт 14 хүн тусламж үйлчилгээ авснаас дөрвөн хүний биеийн байдал харьцангуй сайн байгаа тул салбар амбулаторийн хяналтад илгээжээ.

10 хүн хэвтэн эмчлүүлж байгаагийн тав нь эрчимт эмчилгээний тасагт, тав нь энгийн тасагт хэвтэн эмчлүүлж байна. Эрчимт эмчилгээнд эмчлүүлж байгаа дөрвөн хүний биеийн байдал хүнд гурваас дөрөвдүгээр зэргийн түлэгдэлтэй байна.